"Vulverxempton" hujumchisi Yorgen Strann Larsen "Kristal Pelas"ga o‘tishdan oldin tibbiy ko‘rikdan o‘tdi. Bu haqda Sky Sports News xabar bermoqda.

Qayd etilishicha, hammasi rejadagidek ketmoqda. Tez orada bitim to‘liq yopiladi. Larsenning xaridi "burgutlar"ga 55,7 mln yevroga tushadi.

Joriy mavsumda 25 yoshli norvegiyalik futbolchi barcha musobaqalarni qo‘shib hisoblaganda 26 ta uchrashuvda maydonga tushib, olti marta raqiblar darvozasini ishg‘ol qildi va ikkita assist muallifiga aylandi.

Nufuzli "Transfermarkt" internet portali ma’lumotlariga ko‘ra, Larsenning narxi 40 million yevroni tashkil etadi.