"Вулверхэмптон" ҳужумчиси Йорген Странн Ларсен "Кристал Пэлас"га ўтишдан олдин тиббий кўрикдан ўтди. Бу ҳақда Sky Sports News хабар бермоқда.
Қайд этилишича, ҳаммаси режадагидек кетмоқда. Тез орада битим тўлиқ ёпилади. Ларсеннинг хариди "бургутлар"га 55,7 млн еврога тушади.
Жорий мавсумда 25 ёшли норвегиялик футболчи барча мусобақаларни қўшиб ҳисоблаганда 26 та учрашувда майдонга тушиб, олти марта рақиблар дарвозасини ишғол қилди ва иккита ассист муаллифига айланди.
Нуфузли "Transfermarkt" интернет портали маълумотларига кўра, Ларсеннинг нархи 40 миллион еврони ташкил этади.













