"Kristal Pelas" forvardi Jan-Filipp Mateta Italiya klubida ikki marta tibbiy ko‘rikdan o‘tganidan keyin ham "Milan" futbolchisiga aylanmaydi. Bu haqda insayder Fabrisio Romano xabar bermoqda.
"Kristal Pelas" rahbariyati yuz bergan voqeadan allaqachon xabardor. Futbolchi boshqa jamoaga o‘tishni xohladi, ammo bu amalga oshmaydiganga o‘xshaydi," - deb yozadi Romano.
Eslatib o‘tamiz, tibbiy ko‘rikdan oldin "Kristal Pelas" va "Milan" futbolchi borasida o‘zaro kelishib olgan edi.
Joriy mavsumda fransuz "Pelas" safida rasmiy turnirlarda 10 ta golga mualliflik qilgan.













