"Кристал Пэлас" форварди Жан-Филипп Матета Италия клубида икки марта тиббий кўрикдан ўтганидан кейин ҳам "Милан" футболчисига айланмайди. Бу ҳақда инсайдер Фабрицио Романо хабар бермоқда.
"Кристал Пэлас" раҳбарияти юз берган воқеадан аллақачон хабардор. Футболчи бошқа жамоага ўтишни хоҳлади, аммо бу амалга ошмайдиганга ўхшайди," - деб ёзади Романо.
Эслатиб ўтамиз, тиббий кўрикдан олдин "Кристал Пэлас" ва "Милан" футболчи борасида ўзаро келишиб олган эди.
Жорий мавсумда француз "Пэлас" сафида расмий турнирларда 10 та голга муаллифлик қилган.













