"Manchester Siti" hujumchisi Antuan Semenyo jamoa bosh murabbiyi Xosep Gvardiola haqidagi taassurotlari bilan o‘rtoqlashdi.
"Shaharliklar" ganalik futbolchini yanvar oyida "Bornmut"dan 72 million yevro evaziga sotib olgan edi. Yangi kelgan futbolchi yangi jamoasida beshta o‘yinda maydonga tushib, 4 ta gol va bitta golli uzatmani amalga oshirishga ulgurdi.
"Gvardiola bilan ilk bor uchrashganimda biroz esankirab qoldim. Yaqin kelajakda u mening murabbiyim bo‘lishini endi anglab yetyapman. Bu xuddi tushga o‘xshaydi, lekin men aynan shu yerda, aynan shu murabbiylar shtabi bilan ishlashni xohlashimni tushundim. Bu menga yangi darajaga chiqishimga yordam beradi. "Manchester Siti"ga o‘tganimdan juda xursandman", — deya Semenyoning so‘zlarini keltirmoqda City Report.
Eslatib o‘tamiz, chorshanba kuni Gvardiola shogirdlari Liga kubogi yarim finali doirasida "Nyukasl"ga qarshi javob bahsida maydonga tushadi.













