"Milan" bosh murabbiyi Massimiliano Allegri serbiyalik hujumchi Dushan Vlaxovichni o‘z jamoasida ko‘rish fikridan voz kechgani yo‘q. Bu haqda nufuzli italiyalik jurnalist Matteo Moretto xabar bermoqda.

Manbaga ko‘ra, "Milan" futbolchini erkin agent sifatida o‘z safiga qo‘shib olishga harakat qiladi.

"Vlaxovich ham Allegriga, ham "Milan" rahbariyatiga juda yoqadi. Hozircha hech qanday rasmiy shartnoma imzolanmagan, faqatgina og‘zaki kelishuv mavjud", — deya Morettoning so‘zlarini keltirmoqda pianetamilan.it nashri.

Eslatib o‘tamiz, serbiyalik forvard 2022 yilning yanvaridan buyon Turinning "Yuventus" klubi sharafini himoya qilib kelmoqda. O‘shanda turinliklar uni "Fiorentina"dan 70 million yevro evaziga sotib olgan edi.