"Милан" бош мураббийи Массимилиано Аллегри сербиялик ҳужумчи Душан Влаховични ўз жамоасида кўриш фикридан воз кечгани йўқ. Бу ҳақда нуфузли италиялик журналист Маттео Моретто хабар бермоқда.
Манбага кўра, "Милан" футболчини эркин агент сифатида ўз сафига қўшиб олишга ҳаракат қилади.
"Влахович ҳам Аллегрига, ҳам "Милан" раҳбариятига жуда ёқади. Ҳозирча ҳеч қандай расмий шартнома имзоланмаган, фақатгина оғзаки келишув мавжуд", — дея Мореттонинг сўзларини келтирмоқда pianetamilan.it нашри.
Эслатиб ўтамиз, сербиялик форвард 2022 йилнинг январидан буён Туриннинг "Ювентус" клуби шарафини ҳимоя қилиб келмоқда. Ўшанда туринликлар уни "Фиорентина"дан 70 миллион евро эвазига сотиб олган эди.
