"Barselona" hujumchisi Lamin Yamal so‘nggi vaqtlarda ajoyib futbol namoyish etmoqda.

"Touchline" nashrining ma’lumotlariga ko‘ra, yosh forvard ijtimoiy tarmoqlar, ommaviylik va o‘z turmush tarzini ko‘z-ko‘z qilishdan tiyilganidan so‘ng o‘zining eng yaxshi formasiga qaytganini ta’kidlamoqda. Yamal o‘zining ancha ulg‘ayganini his qilmoqda va bu jarayonni "Barselona" rahbariyati bilan yaqin muloqotda bo‘lgani hamda agenti Jorje Mendeshning ta’siri bilan izohlamoqda.

Lamin Yamal "Barselona" tarbiyalanuvchisi hisoblanadi. Uning Kataloniya klubi bilan shartnomasi 2031 yilning 30 iyuniga qadar mo‘ljallangan.

Joriy mavsumda hujumchi "ko‘k-anorranglilar" safida barcha turnirlarda 29 ta o‘yinda maydonga tushib, 14 ta gol urdi va 13 ta golli uzatmani amalga oshirdi.