"Inter" bosh murabbiyi Kristian Kivu Italiya kubogining 1/4 finalida "Torino" ustidan qozonilgan g‘alaba haqida gapirdi.
"Men jurnalist emasman va fentezi o‘ynamayman, shuning uchun futbolchilarga baho qo‘ymayman.
O‘yindan, bunday o‘yinda bizga kerak bo‘lgan energiyadan va yaratgan narsamizdan mamnunman. Albatta, hisob 2:1 bo‘lib qolganda raqib ikkinchi nafasini oladi va bu impulsni ushlab qolishga harakat qiladi, ammo ular bizga alohida muammo tug‘dirmadi.
Biz kim bilan ishlayotganimizni bilamiz, birga ishlayotgan futbolchilarni ham yaxshi bilamiz. Bunday o‘yinlarda energiya va tetik oyoqlar kerak, shuning uchun kuchliroq futbolchilarni tanladim. Unutmang, bizda juda tig‘iz yanvar va oldinda yanada tig‘izroq fevral kutib turibdi.
Stefano Vekki 23 yoshgacha bo‘lgan jamoa bilan ajoyib ish olib bormoqda, bu yigitlar rivojlanmoqda va butun mavsum davomida bizga foydali bo‘lishi mumkin", - dedi Kivu Sport Mediaset efirida.
