Londonning «Arsenal» klubi yarim himoyachisi Martin Subimendi jamoadoshi Mikel Merinoning jarohati haqida fikr bildirdi.
29 yoshli ispaniyalik futbolchi oyoq kafti suyagi sinishi tufayli mavsumning qolgan qismini o‘tkazib yuborishi kutilmoqda. Yarim himoyachiga jarrohlik amaliyoti zarur.
«Mikelga og‘ir. U haqiqiy professional, shuning uchun ham o‘z sog‘lig‘iga e’tibor beradi, ham klub haqida qayg‘uradi. Bilaman, bundan eng ko‘p Merinoning o‘zi azob chekmoqda, lekin bu butun jamoa uchun ham jiddiy zarba bo‘ldi. U Jahon chempionatigacha tiklanish va Ispaniya terma jamoasiga yordam berish uchun qo‘lidan kelgan barcha ishni qiladi. Agar u bunga ulgura olmasa, juda afsuslanarli bo‘ladi», – dedi Subimendi o‘z intervyusida.
Mikel Merino joriy mavsumda «Arsenal» safida 33 ta o‘yinda maydonga tushib, oltita gol va uchta golli uzatmaga mualliflik qilgan edi.
