«Barselona» bosh murabbiyi Xans-Diter Flikning fikricha, Markus Reshford o‘zini bundan ham yorqinroq ko‘rsata oladi.
Angliyalik futbolchi muntazam ravishda samarali harakatlari bilan ajralib turibdi va allaqachon shubha bilan qaraganlarning kutganlaridan ancha a’lo natija namoyish etdi. Shunga qaramay, Mundo Deportivo nashrining xabar berishicha, «ko‘k-anorranglilar» ustozi Reshford raqib darvozasi oldida yanada samaraliroq harakat qilishini — gap so‘nggi uzatma va zarba haqida ketmoqda — xohlaydi. Germaniyalik mutaxassisning fikriga ko‘ra, 28 yoshli futbolchi agar ushbu jihatlarni kuchaytirsa, o‘z salohiyatini to‘laqonli namoyon eta oladi.
Eslatib o‘tamiz, «Barselona» Markus Reshfordni mavsum oxirigacha «Manchester Yunayted»dan ijaraga olgan bo‘lib, shartnomada uni 30 million yevroga sotib olish imkoniyati ko‘zda tutilgan.
