«Барселона» бош мураббийи Ханс-Дитер Фликнинг фикрича, Маркус Рэшфорд ўзини бундан ҳам ёрқинроқ кўрсата олади.
Англиялик футболчи мунтазам равишда самарали ҳаракатлари билан ажралиб турибди ва аллақачон шубҳа билан қараганларнинг кутганларидан анча аъло натижа намойиш этди. Шунга қарамай, Mundo Deportivo нашрининг хабар беришича, «кўк-анорранглилар» устози Рэшфорд рақиб дарвозаси олдида янада самаралироқ ҳаракат қилишини — гап сўнгги узатма ва зарба ҳақида кетмоқда — хоҳлайди. Германиялик мутахассиснинг фикрига кўра, 28 ёшли футболчи агар ушбу жиҳатларни кучайтирса, ўз салоҳиятини тўлақонли намоён эта олади.
Эслатиб ўтамиз, «Барселона» Маркус Рэшфордни мавсум охиригача «Манчестер Юнайтед»дан ижарага олган бўлиб, шартномада уни 30 миллион еврога сотиб олиш имконияти кўзда тутилган.
