Madridning «Real» klubi prezidenti Florentino Peres chap qanot himoyachisi Fran Garsiyaning sotilishiga rozilik bermadi.

Avvalroq xabar berilganidek, «qaymoqranglilar»ning asosiy tarkibiga kamdan-kam hollarda kiradigan 26 yoshli futbolchiga Angliyaning «Bornmut» klubi qiziqish bildirgan edi. Jurnalist Migel Anxel Diasning ma’lumotlariga ko‘ra, «qirollik klubi» rahbari Florentino Peres qishki transfer oynasi yopilishi arafasida, so‘nggi lahzada kelishuvni bekor qilgan.

Fran Garsiyaning mashhur Transfermarkt saytidagi bahosi 15 million yevroni tashkil etadi. Joriy mavsumda futbolchi 14 bor maydonga tushib, bitta gol urishga muvaffaq bo‘ldi. Ispaniyalik himoyachining «Real» bilan shartnomasi 2027 yilning yozigacha mo‘ljallangan.