Мадриднинг «Реал» клуби президенти Флорентино Перес чап қанот ҳимоячиси Фран Гарсиянинг сотилишига розилик бермади.
Аввалроқ хабар берилганидек, «қаймоқранглилар»нинг асосий таркибига камдан-кам ҳолларда кирадиган 26 ёшли футболчига Англиянинг «Борнмут» клуби қизиқиш билдирган эди. Журналист Мигель Анхель Диаснинг маълумотларига кўра, «қироллик клуби» раҳбари Флорентино Перес қишки трансфер ойнаси ёпилиши арафасида, сўнгги лаҳзада келишувни бекор қилган.
Фран Гарсиянинг машҳур Transfermarkt сайтидаги баҳоси 15 миллион еврони ташкил этади. Жорий мавсумда футболчи 14 бор майдонга тушиб, битта гол уришга муваффақ бўлди. Испаниялик ҳимоячининг «Реал» билан шартномаси 2027 йилнинг ёзигача мўлжалланган.
