"Liverpul" bosh murabbiyi Arne Slot jamoa yarimhimoyachisi Florian Virsning o‘yini haqida fikr bildirdi.
"Florian Virs to‘p bilan o‘yinini yaxshi tomonga o‘zgartira olmadi, chunki u boshidanoq to‘p bilan o‘ynashda ajoyib edi. To‘psiz esa boshqa ba’zi futbolchilar singari unda ham jiddiy o‘sishni ko‘ryapman", - deya Slotning so‘zlarini keltiradi The Touchline.
Eslatib o‘tamiz, "Liverpul" 22 yoshli yarim himoyachini joriy mavsum starti oldidan o‘z safiga qo‘shib oldi va "Bayer"ga rekord darajadagi 125 million yevro to‘ladi.
Mersisaydliklar safida Virs barcha turnirlarni hisobga olgan holda 32 ta o‘yinda maydonga tushib, oltita gol urdi va sakkizta golli uzatma muallifiga aylandi.
