"Ливерпуль" бош мураббийи Арне Слот жамоа яримҳимоячиси Флориан Вирцнинг ўйини ҳақида фикр билдирди.
"Флориан Вирц тўп билан ўйинини яхши томонга ўзгартира олмади, чунки у бошиданоқ тўп билан ўйнашда ажойиб эди. Тўпсиз эса бошқа баъзи футболчилар сингари унда ҳам жиддий ўсишни кўряпман", - дея Слотнинг сўзларини келтиради The Touchline.
Эслатиб ўтамиз, "Ливерпуль" 22 ёшли ярим ҳимоячини жорий мавсум старти олдидан ўз сафига қўшиб олди ва "Байер"га рекорд даражадаги 125 миллион евро тўлади.
Мерсисайдликлар сафида Вирц барча турнирларни ҳисобга олган ҳолда 32 та ўйинда майдонга тушиб, олтита гол урди ва саккизта голли узатма муаллифига айланди.
