"Liverpul" bosh murabbiyi Arne Slot jamoa himoyachisi Virjil van Deykning ketishi haqida fikr bildirdi.
"Qizillar" sardorining shartnomasi tugashiga 18 oy qoldi va u iyul oyida 35 yoshga to‘ladi.
"Klubda qilinadigan hamma narsa hech qachon vahima bilan qilinmaydi, har doim uzoq muddatli g‘oyadan kelib chiqiladi.
Albatta, Virjiyl bu klubda yana 10 yil o‘ynamasligini tushunamiz, ammo uning bir yarim yillik shartnomasi bor, shuning uchun u bu vaqt davomida biz bilan birga bo‘ladi, balki undan ham ko‘proq.
Agar u hozirgidek formada bo‘lishda davom etsa, bu uning yoshiga nisbatan haqiqiy maqtov bo‘ladi, har uch kunda, nafaqat klubda, balki terma jamoada ham, mana yetti-sakkiz oydan beri o‘ynaydi va umid qilamanki, u yana ko‘p yillar shu formada qolishi mumkin...
Ammo yaqin yillarda klub Virjilsiz ham mavjud bo‘lishini tushunamiz.
Har bir pozisiya haqida shunday deyishim mumkin: bu klub nafaqat qisqa muddatli, balki o‘rta va uzoq muddatli kelajak haqida ham o‘ylaydi va biz aynan shunday qarorlar qabul qilamiz", - deya Slotning so‘zlarini keltiradi Sky Sports.
