Hujumchi Endrik «Lion»ga juda jiddiy kayfiyatda yo‘l oldi. The Touchline nashrining Globo Esporte’ga tayanib xabar berishicha, 19 yoshli braziliyalik futbolchi bor e’tiborini faqat futbolga qaratgan.
Endrik har kuni, jumladan uyda ham mashg‘ulot o‘tkazmoqda. Xususan, u fitnes, tiklanish va jismoniy tayyorgarlik bo‘yicha mutaxassislar nazoratida individual tarzda shug‘ullanmoqda. Bo‘sh vaqtlarida esa PlayStation o‘ynaydi, shuningdek, rafiqasi va itlari bilan vaqt o‘tkazadi. Futbolchi uydan faqat mashg‘ulotlar va o‘yinlar uchun chiqmoqda.
Qayd etilishicha, Endrikning shaxsiy oshpazi bo‘lib, u barcha taomlarni alohida tayyorlab beradi.
«Lion» safidagi dastlabki beshta o‘yinda Endrik beshta gol urdi va bitta golli uzatmani amalga oshirdi.
