Ҳужумчи Эндрик «Лион»га жуда жиддий кайфиятда йўл олди. The Touchline нашрининг Globo Esporte’га таяниб хабар беришича, 19 ёшли бразилиялик футболчи бор эътиборини фақат футболга қаратган.
Эндрик ҳар куни, жумладан уйда ҳам машғулот ўтказмоқда. Хусусан, у фитнес, тикланиш ва жисмоний тайёргарлик бўйича мутахассислар назоратида индивидуал тарзда шуғулланмоқда. Бўш вақтларида эса PlayStation ўйнайди, шунингдек, рафиқаси ва итлари билан вақт ўтказади. Футболчи уйдан фақат машғулотлар ва ўйинлар учун чиқмоқда.
Қайд этилишича, Эндрикнинг шахсий ошпази бўлиб, у барча таомларни алоҳида тайёрлаб беради.
«Лион» сафидаги дастлабки бешта ўйинда Эндрик бешта гол урди ва битта голли узатмани амалга оширди.
