«Lion» hujumchisi Endrik 38 yoshli Karim Benzema bilan o‘zini qiyoslashlariga munosabat bildirdi. Transfer huquqi «Real Madrid»ga tegishli bo‘lgan 19 yoshli forvard «Lion»dagi dastlabki 5 ta o‘yinida 5 ta gol va 1 ta assist qayd etdi.
«Bu men uchun juda yoqimli, chunki u buyuk o‘yinchi, dunyoning eng yaxshisi bo‘lgan aql bovar qilmaydigan futbolchi. Ammo yo‘q, Karim mendan ancha oldinda, u ajoyib futbolchi. Karim to‘p surgan klubda ekanligimdan juda xursandman. Uning faoliyatini chiroyli yakunlashini yoki iloji boricha uzoqroq o‘ynashini tilab qolaman», — dedi Endrik.
«Oltin to‘p» sohibi Benzema hozirda Saudiya Arabistonining «Al-Hilol» klubi sharafini himoya qilmoqda (u yaqinda «Al-Ittihod»dan ko‘chib o‘tdi). U «Lion» safida 2004 yildan 2009 yilgacha harakat qilgan.
