«Лион» ҳужумчиси Эндрик 38 ёшли Карим Бензема билан ўзини қиёслашларига муносабат билдирди. Трансфер ҳуқуқи «Реал Мадрид»га тегишли бўлган 19 ёшли форвард «Лион»даги дастлабки 5 та ўйинида 5 та гол ва 1 та ассист қайд этди.

«Бу мен учун жуда ёқимли, чунки у буюк ўйинчи, дунёнинг энг яхшиси бўлган ақл бовар қилмайдиган футболчи. Аммо йўқ, Карим мендан анча олдинда, у ажойиб футболчи. Карим тўп сурган клубда эканлигимдан жуда хурсандман. Унинг фаолиятини чиройли якунлашини ёки иложи борича узоқроқ ўйнашини тилаб қоламан», — деди Эндрик.

«Олтин тўп» соҳиби Бензема ҳозирда Саудия Арабистонининг «Ал-Ҳилол» клуби шарафини ҳимоя қилмоқда (у яқинда «Ал-Иттиҳод»дан кўчиб ўтди). У «Лион» сафида 2004 йилдан 2009 йилгача ҳаракат қилган.