Himoyachi Garri Maguayr, agar imkoniyat berilsa, faoliyatining oxirigacha «Manchester Yunayted»da qolishni istaydi. Bu haqda The Touchline nashri xabar bermoqda.
Qayd etilishicha, Maguayr «qizil iblislar» bilan shartnomani uzaytirish yo‘lida maoshining sezilarli darajada kamayishiga ham rozi.
Manbaning ma’lumotlariga ko‘ra, faoliyatidagi murakkab davrlardan so‘ng 32 yoshli Maguayr hozirda o‘zini har qachongidan ham ishonchli his qilmoqda.
Garri Maguayrning amaldagi shartnomasi 2025/2026 yilgi mavsum yakuniga qadar mo‘ljallangan. Himoyachi «Manchester Yunayted» safida jami 259 ta o‘yin o‘tkazib, 17 ta gol urdi va jamoadoshlariga 9 ta golli uzatmani amalga oshirdi.
