Kataloniyaning «Barselona» klubi sobiq futbolchisi Aleksandr Gleb Londonning «Arsenal» klubi 2025/2026 yilgi mavsumda Chempionlar ligasida g‘olib chiqish imkoniyatlari haqida o‘z fikrini bildirdi.
«Jamoaning asl maqsadini faqat pley-off o‘yinlari ko‘rsatib beradi. «Kanonirlar» uchun qiyin bo‘ladi, chunki istalgan jamoa kutilmagan sovg‘a taqdim etishi mumkin. Arteta jamoasi muvaffaqiyatga erishishiga ishonaman», — deya sobiq futbolchining so‘zlarini keltiradi «RB Sport».
Eslatib o‘tamiz, «Arsenal» UYEFA Chempionlar ligasining umumiy bosqich turnir jadvalida birinchi o‘rinni egalladi. Mikel Arteta shogirdlari sakkizta turda 24 ochko jamg‘arib, barcha o‘yinlarda g‘alaba qozonishdi. Londonliklar to‘g‘ridan-to‘g‘ri musobaqaning 1/8 finaliga yo‘l olishdi.
