Каталониянинг «Барселона» клуби собиқ футболчиси Александр Глеб Лондоннинг «Арсенал» клуби 2025/2026 йилги мавсумда Чемпионлар лигасида ғолиб чиқиш имкониятлари ҳақида ўз фикрини билдирди.
«Жамоанинг асл мақсадини фақат плей-офф ўйинлари кўрсатиб беради. «Канонирлар» учун қийин бўлади, чунки исталган жамоа кутилмаган совға тақдим этиши мумкин. Артета жамоаси муваффақиятга эришишига ишонаман», — дея собиқ футболчининг сўзларини келтиради «РБ Спорт».
Эслатиб ўтамиз, «Арсенал» УЕФА Чемпионлар лигасининг умумий босқич турнир жадвалида биринчи ўринни эгаллади. Микель Артета шогирдлари саккизта турда 24 очко жамғариб, барча ўйинларда ғалаба қозонишди. Лондонликлар тўғридан-тўғри мусобақанинг 1/8 финалига йўл олишди.
