«Yuventus» rahbariyatida ishlayotgan Jorjio Kyellini bosh murabbiy Luchano Spallettining faoliyati haqida fikr bildirdi.

Mutaxassis o‘z lavozimini oktyabr oyi oxirida Igor Tudorning o‘rnini egallab, qabul qilib olgan edi. Ko‘p o‘tmay turinliklarning natijalari yaxshilandi — ayni damda jamoa Seriya A turnir jadvalida to‘rtinchi o‘rinni egallab turibdi.

«Biz, albatta, Spalletti darhol ta’sir o‘tkazishiga umid qilgandik, ammo odatda murabbiylarga o‘z ishlarining natijasi ko‘rinishi uchun ko‘proq vaqt talab etiladi. Rojdestvo davrida Luchano mashg‘ulotlarda ishlash uchun ko‘proq vaqtga ega bo‘lgani juda muhim bo‘ldi. Bu taktik jihatdan qayta shakllanishga yordam berdi», — dedi Kyellini Sport Mediaset nashriga bergan intervyusida.