«Liverpul» unchalik muvaffaqiyatli bo‘lmagan mavsumni o‘tkazmoqda, shu sababli bosh murabbiy Arne Slotning klubdagi kelajagi noaniq deb hisoblanmoqda.
Amaldagi chempionlar Premyer-liganing 24 turidan so‘ng turnir jadvalida atigi oltinchi o‘rinni egallab turibdi, peshqadam «Arsenal»dan farq esa 14 ochkoni tashkil etmoqda. Shunga qaramay, jurnalist Lyuis Stilning ma’lumotlariga ko‘ra, «qizillar» rahbariyati hali ham niderlandiyalik mutaxassisga to‘liq ishonmoqda va u bilan xayrlashishni rejalashtirmayapti.
Arne Slotning «Liverpul» bilan shartnomasi 2027 yilning o‘rtalarigacha mo‘ljallangan. Mish-mishlarga ko‘ra, 47 yoshli murabbiyning o‘rnini tez orada yanvar oyida Madridning «Real» klubidan bo‘shatilgan Xabi Alonso egallashi mumkin.
