«Ливерпуль» унчалик муваффақиятли бўлмаган мавсумни ўтказмоқда, шу сабабли бош мураббий Арне Слотнинг клубдаги келажаги ноаниқ деб ҳисобланмоқда.
Амалдаги чемпионлар Премьер-лиганинг 24 туридан сўнг турнир жадвалида атиги олтинчи ўринни эгаллаб турибди, пешқадам «Арсенал»дан фарқ эса 14 очкони ташкил этмоқда. Шунга қарамай, журналист Льюис Стилнинг маълумотларига кўра, «қизиллар» раҳбарияти ҳали ҳам нидерландиялик мутахассисга тўлиқ ишонмоқда ва у билан хайрлашишни режалаштирмаяпти.
Арне Слотнинг «Ливерпуль» билан шартномаси 2027 йилнинг ўрталаригача мўлжалланган. Миш-мишларга кўра, 47 ёшли мураббийнинг ўрнини тез орада январь ойида Мадриднинг «Реал» клубидан бўшатилган Хаби Алонсо эгаллаши мумкин.
