«Tottenxem» bosh murabbiyi Tomas Frank vinger Brennan Jonsonning «Kristal Pelas»ga sotilganidan afsusda yoki yo‘qligi haqida gapirdi.

«Shuni aytish mumkinki, agar biz 3-4-3 sxemasi bo‘yicha o‘ynasak, ayni damda hujumkor uchlik uchun beshta futbolchimiz bor, bu yomon ko‘rsatkich emas. Umid qilamanki, Richi (Risharlison) tez orada qaytadi, shunda olti nafar bo‘lamiz, Kudus qaytganida esa yetti nafarga yetamiz. Shunday ekan, vaziyatga shu nuqtai nazardan qarasak, menimcha, bizda hammasi joyida», — deya Frankning so‘zlarini keltirmoqda «The Spurs Express».

Jonson 2023 yildan beri «Tottenxem» sharafini himoya qilib kelayotgan edi. Ushbu davr mobaynida u 107 ta o‘yinda maydonga tushib, 27 ta gol urdi va 18 ta golli uzatmani amalga oshirdi.

Fevral oyi boshida «shporlar» 24 yoshli futbolchini «burgutlar»ga 40 million yevro evaziga sotib yuborishdi.