«Тоттенхэм» бош мураббийи Томас Франк вингер Бреннан Жонсоннинг «Кристал Пэлас»га сотилганидан афсусда ёки йўқлиги ҳақида гапирди.

«Шуни айтиш мумкинки, агар биз 3-4-3 схемаси бўйича ўйнасак, айни дамда ҳужумкор учлик учун бешта футболчимиз бор, бу ёмон кўрсаткич эмас. Умид қиламанки, Ричи (Ришарлисон) тез орада қайтади, шунда олти нафар бўламиз, Кудус қайтганида эса етти нафарга етамиз. Шундай экан, вазиятга шу нуқтаи назардан қарасак, менимча, бизда ҳаммаси жойида», — дея Франкнинг сўзларини келтирмоқда «The Spurs Express».

Жонсон 2023 йилдан бери «Тоттенхэм» шарафини ҳимоя қилиб келаётган эди. Ушбу давр мобайнида у 107 та ўйинда майдонга тушиб, 27 та гол урди ва 18 та голли узатмани амалга оширди.

Февраль ойи бошида «шпорлар» 24 ёшли футболчини «бургутлар»га 40 миллион евро эвазига сотиб юборишди.