"Real"ning braziliyalik vingeri Rodrigo Ispaniya grandini tark etish niyatida. Bu haqda "The Touchline" nashri xabar bermoqda.

Mish-mishlarga ko‘ra, Rodrigo "Real"dagi hozirgi holatidan juda norozi. Braziliyalik futbolchining hisoblashicha, uning salohiyati hozirda "Lion"da porlayotgan Endriknikidan ham yuqori. Futbolchining yaqinlari u "qaymoqranglilar" safini tark etish imkoniyatini jiddiy ravishda ko‘rib chiqayotganini ma’lum qilishgan.

Rodrigo 2019 yildan beri "Real" sharafini himoya qilib kelmoqda. Joriy mavsumda 25 yoshli hujumchi barcha turnirlarda 26 ta o‘yinda maydonga tushib, 3 ta gol va 3 ta golli uzatmani o‘z hisobiga yozdirib qo‘ydi.

"Transfermarkt" portali ma’lumotlariga ko‘ra, Rodrigoning bozor qiymati 60 million yevroni tashkil etadi.