"Реал"нинг бразилиялик вингери Родриго Испания грандини тарк этиш ниятида. Бу ҳақда "The Touchline" нашри хабар бермоқда.
Миш-мишларга кўра, Родриго "Реал"даги ҳозирги ҳолатидан жуда норози. Бразилиялик футболчининг ҳисоблашича, унинг салоҳияти ҳозирда "Лион"да порлаётган Эндрикникидан ҳам юқори. Футболчининг яқинлари у "қаймоқранглилар" сафини тарк этиш имкониятини жиддий равишда кўриб чиқаётганини маълум қилишган.
Родриго 2019 йилдан бери "Реал" шарафини ҳимоя қилиб келмоқда. Жорий мавсумда 25 ёшли ҳужумчи барча турнирларда 26 та ўйинда майдонга тушиб, 3 та гол ва 3 та голли узатмани ўз ҳисобига ёздириб қўйди.
"Transfermarkt" портали маълумотларига кўра, Родригонинг бозор қиймати 60 миллион еврони ташкил этади.
