"Manchester Siti" bosh murabbiyi Xosep Gvardiolaning fikricha, yil sayin Angliya chempionatida g‘olib chiqish qiyinlashib bormoqda.

"Har mavsumda Premyer-ligada zafar quchish murakkablashmoqda. Ammo, menimcha, bu nafaqat bizga, balki qolgan barcha jamoalarga ham tegishli.

Bu mavsumda kuchliroq bo‘ldikmi? Agar yuqori daraja haqida gapiradigan bo‘lsak, hozircha yo‘q. Biz ayrim jihatlarda o‘sishga erishyapmiz. Biroq bizga barqarorlik kerak — shundagina kerakli natijaga erishamiz. Oldinda 14 ta o‘yin bor — APL uchun bu juda uzoq muddat. Tajribamdan kelib chiqib aytamanki, bu yerda har qanday voqea sodir bo‘lishi mumkin", — dedi Gvardiola matbuot anjumanida.

"Manchester Siti" Angliya chempionati doirasida "Liverpul"ga qarshi kechadigan safar o‘yiniga tayyorgarlik ko‘rmoqda. Jamoalar 8 fevral kuni to‘qnash kelishadi. Ayni damda Gvardiola jamoasi peshqadam "Arsenal"dan olti ochko orqada qolmoqda.