"Манчестер Сити" бош мураббийи Хосеп Гвардиоланинг фикрича, йил сайин Англия чемпионатида ғолиб чиқиш қийинлашиб бормоқда.
"Ҳар мавсумда Премьер-лигада зафар қучиш мураккаблашмоқда. Аммо, менимча, бу нафақат бизга, балки қолган барча жамоаларга ҳам тегишли.
Бу мавсумда кучлироқ бўлдикми? Агар юқори даража ҳақида гапирадиган бўлсак, ҳозирча йўқ. Биз айрим жиҳатларда ўсишга эришяпмиз. Бироқ бизга барқарорлик керак — шундагина керакли натижага эришамиз. Олдинда 14 та ўйин бор — АПЛ учун бу жуда узоқ муддат. Тажрибамдан келиб чиқиб айтаманки, бу ерда ҳар қандай воқеа содир бўлиши мумкин", — деди Гвардиола матбуот анжуманида.
"Манчестер Сити" Англия чемпионати доирасида "Ливерпуль"га қарши кечадиган сафар ўйинига тайёргарлик кўрмоқда. Жамоалар 8 февраль куни тўқнаш келишади. Айни дамда Гвардиола жамоаси пешқадам "Арсенал"дан олти очко орқада қолмоқда.
