"Barselona" bosh murabbiyi Xans-Diter Flik o‘z jamoasining holati haqida fikr bildirdi.
"Futbolchilar bor kuchini berishlari juda muhim. Jamoada muhit yaxshi bo‘lsa, ish osonroq kechadi, yanada ko‘proq mehnat qilish uchun motivasiya paydo bo‘ladi. Oldimizda olti kun ichida uchta o‘yin o‘tkazish vazifasi turibdi, lekin men futbolchilarning kayfiyati a’lo ekanligini ko‘rib turibman, bu men uchun eng asosiysi. Futbolchilar va murabbiy o‘rtasidagi o‘zaro hurmat — har bir futbolchining salohiyatini maksimal darajada ochishning yo‘lidir", — dedi Flik matbuot anjumanida.
"Barselona" La Liga doirasidagi "Malyorka"ga qarshi o‘z maydonida kechadigan o‘yinga tayyorgarlik ko‘rmoqda. Jamoalar shanba kuni, 7 fevral kuni to‘qnash kelishadi. "Kamp Nou"dagi bahs Toshkent vaqti bilan 20:15 da boshlanadi.
