"Барселона" бош мураббийи Ханс-Дитер Флик ўз жамоасининг ҳолати ҳақида фикр билдирди.
"Футболчилар бор кучини беришлари жуда муҳим. Жамоада муҳит яхши бўлса, иш осонроқ кечади, янада кўпроқ меҳнат қилиш учун мотивация пайдо бўлади. Олдимизда олти кун ичида учта ўйин ўтказиш вазифаси турибди, лекин мен футболчиларнинг кайфияти аъло эканлигини кўриб турибман, бу мен учун энг асосийси. Футболчилар ва мураббий ўртасидаги ўзаро ҳурмат — ҳар бир футболчининг салоҳиятини максимал даражада очишнинг йўлидир", — деди Флик матбуот анжуманида.
"Барселона" Ла Лига доирасидаги "Мальорка"га қарши ўз майдонида кечадиган ўйинга тайёргарлик кўрмоқда. Жамоалар шанба куни, 7 февраль куни тўқнаш келишади. "Камп Ноу"даги баҳс Тошкент вақти билан 20:15 да бошланади.
