"Vulverxempton" vingeri Jon Arias Braziliyaning "Palmeyras" klubiga o‘tish bo‘yicha muzokaralar olib bormoqda. Bu haqda The Athletic nashri "bo‘rilar" bosh murabbiyi Rob Edvardsga tayanib xabar bermoqda.
"Menimcha, klublar o‘rtasida kelishuvga erishib bo‘lindi, yaqin kunlarda transfer amalga oshishini kutyapman", — deya ta’kidladi Edvards.
Arias ilgari Braziliya chempionatida to‘p surgan — u ketma-ket 4 yil davomida "Fluminense" tarkibida harakat qilgan. "Palmeyras" 28 yoshli kolumbiyalik futbolchining transferi uchun 25 million yevro to‘lashi kutilmoqda.
Joriy mavsumda APLning asosiy autsayderi tarkibida maydonga tushgan futbolchi barcha musobaqalarda jami 26 ta o‘yinda ishtirok etib, 2 ta gol urdi va 1 ta golli uzatmani amalga oshirdi.
