"Вулверхэмптон" вингери Жон Ариас Бразилиянинг "Палмейрас" клубига ўтиш бўйича музокаралар олиб бормоқда. Бу ҳақда The Athletic нашри "бўрилар" бош мураббийи Роб Эдвардсга таяниб хабар бермоқда.
"Менимча, клублар ўртасида келишувга эришиб бўлинди, яқин кунларда трансфер амалга ошишини кутяпман", — дея таъкидлади Эдвардс.
Ариас илгари Бразилия чемпионатида тўп сурган — у кетма-кет 4 йил давомида "Флуминенсе" таркибида ҳаракат қилган. "Палмейрас" 28 ёшли колумбиялик футболчининг трансфери учун 25 миллион евро тўлаши кутилмоқда.
Жорий мавсумда АПЛнинг асосий аутсайдери таркибида майдонга тушган футболчи барча мусобақаларда жами 26 та ўйинда иштирок этиб, 2 та гол урди ва 1 та голли узатмани амалга оширди.
