«Manchester Siti» kelayotgan yozda ko‘plab futbolchilari bilan xayrlashishga tayyor.
«Shaharliklar» tarkibni yoshartirishni o‘tgan yiliyoq boshlashgan edi — aytish mumkinki, klub yaqinlashayotgan mavsumlararo tanaffusda ham tanlangan yo‘nalishdan voz kechmaydi. «The Touchline» xabariga ko‘ra, «Manchester Siti» tarkibida «masshtabli qayta qurish» tayyorlanmoqda, e’tiborlisi, bu jarayon murabbiy Xosep Gvardiolaning qolish yoki qolmasligidan qat’i nazar sodir bo‘ladi. Katta ehtimol bilan, shartnomasi yakuniga yetib borayotgan Bernardu Silva va Djon Stouns jamoani tark etadi, shuningdek, Mateo Kovachich va Natan Ake bo‘yicha tushadigan takliflar ham ko‘rib chiqiladi.
Ketishi mumkin bo‘lgan nomzodlar orasida yosh vinger Savio ham qayd etilgan. Bundan tashqari, «Manchester Siti» hozirda Italiyada ijara asosida o‘ynayotgan himoyachi Manuel Akandjini Milanning «Inter» klubi to‘liq sotib olishiga umid qilmoqda.
