Mashhur «WhoScored» statistik portali Angliya Premyer-ligasining joriy mavsumidagi ayni damgacha bo‘lgan eng yaxshi yarim himoyachilar reytingini e’lon qildi. Ro‘yxatni «Manchester Yunayted» sardori Brunu Fernandesh boshqarib bormoqda, u shuningdek, golli uzatmalar soni (12 ta) bo‘yicha ham ishonchli tarzda peshqadamlik qilmoqda.

Yarim himoyachilar orasida o‘rtacha baho bo‘yicha ikkinchi o‘rinni «Arsenal» a’zosi Deklan Rays egallab turgan bo‘lsa, kuchli uchlikni «Nyukasl» yulduzi Bruno Gimaraes yakunlab bergan. To‘rtinchi va beshinchi pog‘onalardan mos ravishda «Everton» vakili Jeyms Garner hamda «Lids»dan Anton Stax joy oldi.

24-turdan so‘ng «Arsenal» APL turnir jadvalida birinchi o‘rinda bormoqda. Brunu Fernandesh boshchiligidagi «Manchester Yunayted» esa to‘rtinchi pog‘onani egallab turibdi.