Madridning "Atletiko" klubi bosh murabbiyi Diyego Simeone va sport direktori Mateu Alemani o‘rtasidagi munosabatlar qishki transfer oynasidan so‘ng yomonlashdi. Yuzaga kelgan kelishmovchiliklar argentinalik mutaxassisning 2027 yilgacha mo‘ljallangan shartnomasiga qaramay, klubdagi kelajagiga ta’sir qilishi mumkin. Bu haqda Sport.es xabar bermoqda.
Manbaga ko‘ra, "matraschilar" mavsum yakunida jamoani tark etishi mumkin bo‘lgan Simeonega o‘rinbosar izlashga kirishgan. Ta’kidlanishicha, bunga birinchi navbatda Alemani bilan qarama-qarshiliklar emas, balki jamoaning natijalari ta’sir qilishi mumkin. Argentinalik so‘nggi oylarda yo‘qotilgan ishonchni qaytarish uchun "Atletiko" ko‘rsatkichlarini yaxshilashi kerak.
"Bornmut" bosh murabbiyi Andoni Iraola Simeonening o‘rniga asosiy nomzod bo‘lib turibdi. Ammo ispaniyalikning o‘zi faoliyatini Angliya chempionatida davom ettirishni ma’qul ko‘rmoqda.
