"Flamengo" ayni damda Saudiya Arabistonining "Al-Hilol" klubi sharafini himoya qilayotgan "Liverpul" sobiq hujumchisi Darvin Nunyesni o‘z safiga qo‘shib olish haqida o‘ylamoqda. Bu haqda UOL xabar bermoqda.
Braziliya nashri xabariga ko‘ra, "Flamengo" Saudiya Arabistoni klubiga so‘rov yuborgan, ammo urugvaylik hujumchining "Al-Hilol"dagi yuqori maoshi tufayli kelishuv amalga oshmasligi mumkin. Shu bilan birga, braziliyaliklar Londonning "Tottenxem" klubi futbolchisi Risharlisonni ham kuzatib bormoqda.
Darvin Nunyes mersisaydliklar safida Angliya Premyer-ligasi, Angliya Superkubogi va Liga kubogini qo‘lga kiritgan. 2025 yilda hujumchi Saudiya Arabistoniga ko‘chib o‘tdi. Umuman olganda, urugvaylik "Al-Hilol" safida 22 ta o‘yinda maydonga tushib, yettita gol urgan va beshta golli uzatmani amalga oshirgan.
