"Фламенго" айни дамда Саудия Арабистонининг "Ал-Ҳилол" клуби шарафини ҳимоя қилаётган "Ливерпуль" собиқ ҳужумчиси Дарвин Нуньесни ўз сафига қўшиб олиш ҳақида ўйламоқда. Бу ҳақда UOL хабар бермоқда.
Бразилия нашри хабарига кўра, "Фламенго" Саудия Арабистони клубига сўров юборган, аммо уругвайлик ҳужумчининг "Ал-Ҳилол"даги юқори маоши туфайли келишув амалга ошмаслиги мумкин. Шу билан бирга, бразилияликлар Лондоннинг "Тоттенхэм" клуби футболчиси Ришарлисонни ҳам кузатиб бормоқда.
Дарвин Нуньес мерсисайдликлар сафида Англия Премьер-лигаси, Англия Суперкубоги ва Лига кубогини қўлга киритган. 2025 йилда ҳужумчи Саудия Арабистонига кўчиб ўтди. Умуман олганда, уругвайлик "Ал-Ҳилол" сафида 22 та ўйинда майдонга тушиб, еттита гол урган ва бешта голли узатмани амалга оширган.
