"Manchester Yunayted" o‘z maydonida Angliya chempionatining 25-turi doirasida "Tottenxem"ni mag‘lub etdi — 2:0.
38-daqiqada Brayan Mbemuo hisobni ochgan bo‘lsa, asosiy vaqt tugashiga to‘qqiz daqiqa qolganda Brunu Fernandesh farqni oshirdi.
Mehmonlar 29-daqiqada Kristian Romero maydondan chetlatilganidan so‘ng bir kishi kam bo‘lib o‘yinni davom ettirishdi.
"MYU" Maykl Kerrik boshqaruvi ostida ketma-ket to‘rtinchi g‘alabasini qo‘lga kiritdi. "Qizil iblislar" 44 ochko jamg‘arib, APL turnir jadvalida to‘rtinchi o‘rinni egallab turishibdi.
"Tottenxem" esa APLdagi g‘alabasiz seriyasini yettita o‘yinga yetkazdi — 4 ta durang va 3 ta mag‘lubiyat. "Shporlar" 29 ochko bilan jadvalning 14-pog‘onasidan joy olgan.
Manchester Yunayted - Tottenxem - 2:0
Gollar: Mbeumo, 38 (1:0). Brunu Fernandesh, 81 (2:0)
Manchester Yunayted: Lammens, Maguayr, Martines, Shou (Mazraui, 87), Dalot, Kazemiru (Ugarte, 87), Maynu (Fletcher, 90+2), Brunu Fernandesh, Kunya (Sheshko, 75), Diallo, Mbeumo (Zirkze, 87)
Tottenxem Xotspur: Vikario, Romero, van de Ven, Palinya (Bissuma, 80), Gallaxer (Tel, 80), Sarr, Udodji (Souza, 55), Grey, Simons, Odober (Dregushin, 32), Solanke (Kolo Muani, 80)
Ogohlantirishlar: Diallo, 45 - Udodji, 27. Palinya, 70
Chetlatish: Romero, 29
