"Barselona" bosh murabbiyi Xans-Diter Flik "Malyorka"ga qarshi kechgan bahsning (3:0) birinchi bo‘limidagi jamoa o‘yinidan ko‘ngli to‘lmaganini tan oldi.
"Ko‘k-anorranglilar" tanaffusga Robert Levandovskining 29-daqiqada kiritgan goli evaziga kichik ustunlik bilan yo‘l olishgan edi.
"Tanaffusda men o‘yinchilarga faqat bitta savol berdim: "Siz mamnunmisiz?" Albatta, ular bunday o‘yindan xursand emasdilar — biz "Barselona" uslubida o‘ynamayotgan edik. Ikkinchi bo‘limda jamoa to‘p bilan tezroq harakat qila boshladi", — deya Flikning so‘zlarini keltiradi "Barca Universal".
Uchrashuvning 61-daqiqasida Lamin Yamal kataloniyaliklarning ustunligini ikkitaga oshirdi, 83-daqiqada esa Mark Bernal hisobni yirik ko‘rinishga olib keldi.
