"Барселона" бош мураббийи Ханс-Дитер Флик "Мальорка"га қарши кечган баҳснинг (3:0) биринчи бўлимидаги жамоа ўйинидан кўнгли тўлмаганини тан олди.
"Кўк-анорранглилар" танаффусга Роберт Левандовскининг 29-дақиқада киритган голи эвазига кичик устунлик билан йўл олишган эди.
"Танаффусда мен ўйинчиларга фақат битта савол бердим: "Сиз мамнунмисиз?" Албатта, улар бундай ўйиндан хурсанд эмасдилар — биз "Барселона" услубида ўйнамаётган эдик. Иккинчи бўлимда жамоа тўп билан тезроқ ҳаракат қила бошлади", — дея Фликнинг сўзларини келтиради "Barca Universal".
Учрашувнинг 61-дақиқасида Ламин Ямал каталонияликларнинг устунлигини иккитага оширди, 83-дақиқада эса Марк Берналь ҳисобни йирик кўринишга олиб келди.
