Turinning «Yuventus» klubi ustozi Luchano Spalletti jurnalistlarning klub bilan shartnomani uzaytirish istiqbollari haqidagi savollariga javob berdi.
«Menimcha, bunday masalalardagi bosim faqat xalaqit beradi. Klub rahbariyatida hamma narsani tegishlicha baholab chiqish uchun vaqt bo‘lishi kerak. Hozirgi ustuvor vazifam — jamoani o‘yinlarga yaxshi tayyorlash. Oldinda hali o‘yinlar ko‘p. Bundan tashqari, shartnomasi tugayotgan futbolchilar bor, menimcha, rahbariyat ular bilan shug‘ullangani ma’qulroq», — deya Turin klubi murabbiyining so‘zlarini keltiradi «calcionapoli1926.it».
Eslatib o‘tamiz, Spalletti Igor Tudor bilan xayrlashilgandan so‘ng, jamoani qabul qilib olgan edi.
