«Chelsi» himoyachisi Malo Gyusto faoliyatini Ispaniyada davom ettirishi mumkin.

«Topskills Sport UK» nashrining ma’lumotlariga ko‘ra, fransiyalik futbolchini sotib olishga Madridning «Real» klubi qiziqish bildirmoqda. «Qaymoqranglilar» Gyustoni shu yozda shartnomasi yakunlanishi munosabati bilan jamoani tark etishi mumkin bo‘lgan Daniel Karvaxalga ideal o‘rinbosar deb hisoblashmoqda.

Malo Gyusto 2023 yilda «Lion»dan «Chelsi»ga 30 million yevro evaziga o‘tgan edi. Uning London klubi bilan shartnomasi 2030 yilning 30 iyunigacha mo‘ljallangan. Joriy mavsumda himoyachi «ko‘klar» safida barcha turnirlarda 32 ta o‘yin o‘tkazib, ikkita gol urdi va uchta golli uzatmani amalga oshirdi. «Transfermarkt» portali Gyustoni 35 million yevroga baholamoqda.