«Челси» ҳимоячиси Мало Гюсто фаолиятини Испанияда давом эттириши мумкин.
«Topskills Sport UK» нашрининг маълумотларига кўра, франциялик футболчини сотиб олишга Мадриднинг «Реал» клуби қизиқиш билдирмоқда. «Қаймоқранглилар» Гюстони шу ёзда шартномаси якунланиши муносабати билан жамоани тарк этиши мумкин бўлган Даниэль Карвахалга идеал ўринбосар деб ҳисоблашмоқда.
Мало Гюсто 2023 йилда «Лион»дан «Челси»га 30 миллион евро эвазига ўтган эди. Унинг Лондон клуби билан шартномаси 2030 йилнинг 30 июнигача мўлжалланган. Жорий мавсумда ҳимоячи «кўклар» сафида барча турнирларда 32 та ўйин ўтказиб, иккита гол урди ва учта голли узатмани амалга оширди. «Transfermarkt» портали Гюстони 35 миллион еврога баҳоламоқда.
