"Yuventus" himoyachi Pyer Kalyulyuni tarkibda saqlab qolmoqchi.
Insayder Nikolo Skiraning ma’lum qilishicha, Turin klubi fransuz bilan shartnomani uzaytirish bo‘yicha muzokaralarni boshlagan. "Yuventus" futbolchi bilan 2030 yilning yoziga qadar shartnoma imzolamoqchi. Shuningdek, jamoa futbolchining maoshini oshirmoqchi.
Per Kalyulyu 2025 yilda 14 million yevro evaziga "Milan"dan "Yuventus"ga o‘tgandi. Uning amaldagi shartnomasi 2029 yilning 30 iyuniga qadar imzolangan.
Joriy mavsumda himoyachi Turin klubi safida barcha musobaqalarda 33 ta o‘yinda maydonga tushib, bitta gol urdi va beshta golli uzatmani amalga oshirdi. Transfermarkt portali Kalyulyuni 28 million yevroga baholamoqda.













