Alvaro Arbeloa La Liga doirasidagi "Real" - "Valensiya" (2:0) o‘yinini sarhisob qildi.

"Biz bilamizki, "Mestalya"ga tashrif buyurish tish shifokoriga tashrif buyurishga o‘xshaydi. Gap pressingda va mezbonlarga ochko kerakligida. Bu stadionda, bu atmosferada o‘ynash, "Real"ga qarshi o‘yindagi ishtiyoqni his qilish qanday bo‘lishini hammamiz bilamiz. Va biz o‘yinni yaxshi nazorat qildik. Kurtua birorta ham seyv qilishiga to‘g‘ri kelmadi. Futbolchilar ishonchli o‘ynashdi.

Karreras - juda iqtidorli futbolchi, u ham ajoyib gol urdi. Mbappe masalasida esa, uni ta’riflash uchun epitetlarim tugab bormoqda. Biz Krishtianuga o‘xshagan futbolchini hech qachon ko‘rmaymiz deb o‘ylagandik, ammo Kilian ham shu yo‘nalishda ketayotganga o‘xshaydi", - dedi "Real" bosh murabbiyi klub kanali efirida.